按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
香港港口、中转物流占整个港口业务83 ％（即83货物喺香港港口做中转）；反之，中国大部分港口仍停留喺传统以装卸为主体嘅业态上，讯息系统未发挥作用。今年上海港口计划转型，目标系作为贸物集散地，决定大力发展配合网络、物流讯息平台、第三方物流服务产业链等，令上海成为现代港口嘅物流服务中心，一如香港成为珠三角嘅中转物流中心！上海集装箱吞吐量未来将急升，而成为长三角一带嘅中转物流中心。
LCD电视生产已标准化
今天液晶体电视市场嘅主要供应者仍系新力、三星及飞利浦、松下电器等知名公司，较少人注意Westinghouse Digital所生产嘅LCD三十二吋电视喺美国只售八百美元，较其它公司产品售价喺一千至一千四百美元更廉宜，依家已占据美国LCD电视7。7％市场。根据《商业周刊》报道，除Westinghouse外，仲有超过一百间生产商加入LCD视市场，产品喺Best Buy 、Target及Costco连锁店出售，售价较知名品牌起码便宜20％到40 ％。相信到今年年底LCD电视将商品化（modity），情况一如今日嘅计算机，品牌已唔再重要。任何产品一旦商品化，竞争必定激烈，利润亦必微薄。生产LCD视企业将面对激烈竞争，利润面对极大压力。今天LCD视生产已标准化（Standardized），零件响市场上好容易获供应，并进入外判时代，生产可以喺中国、拉丁美洲甚至印度进行。例如Westinghouse只需一百二十名员工及一亿美元资本已可加入市场。今天除咗五十吋以上LCD较难生产外，其余LCD电视，即使普通电子厂亦能应付。
第四十七届联合国大会已订定每年3月22日为「世界水日」二十一世纪，世界上最缺乏嘅唔系石油，而系干净食水！二十世纪全球淡水消耗量增加六至七倍，全球已有十四亿人缺乏安全清洁嘅饮用水，中国更系全球十三个最缺水嘅国家之一。中国淡水资源全球排名第六，但人均占用量系世界平均值四分一排名第一百零九位；加上水资源分布上好唔均衡：有十个省、市、自治区水资源已跌至人均五百立方米嘅危险水平，约三百个城市缺水。其中一百一十个严重缺水。主要分布华北、东北、西北及沿海地区。2010年起。中国将进入严重缺水期，大大影响经济可持续发展。过去几十年大量抽用地下水，喺开源方面所受限制愈来愈多；节流方面，政府已大力提倡及推动污水回用、水再利用，大大增加水成本。海水化淡将系中国另一增加水资源嘅方法，常用方法有：一多级闪蒸（MSF）。二、低温多效（LT一MED）；三、压汽蒸馏（MVC）前面两项多与发电厂结合，利用发电后嘅蒸气制造蒸馏水；后者利用电力，透过反渗透技术，利用半透膜喺压力下允许水透过而将盐分及杂质截留嘅技术。过去因为成本及投资费用过高，海水化淡一直未普及；今天海水化淡能耗指标已降低90 ％（从26。4 Kwh/m3降至2。9 Kwh/m3）。例如天津大港电厂海水化淡成本为五元人民币一立方米，河北沧州市将苦咸水化淡成本二元五角人民币一立方米。如将浓盐水用作制盐及提取化学物资，化淡成本可进一步下降，可以讲已可直接同南水北调竞争〔调水到北京每立方米成本五至二十元；海水化淡成本每立方米仅四至七元）。
海水化淡另一投资新潮流
海水化淡进入高速发展时代系1970年代中东嘅沙地阿拉伯及以色列等国家，后来美国、日本、西班牙等亦争相发展海水化淡产业。经过四十多年发展，今天海水化淡产业已有商业竞争力，估计将成为二十一世纪嘅新热门投资项目，尤其喺在中国，估计系继电力厂、石化工业、钢铁工业后另一投资新潮流，包括引入海水进入城市供水管去冷却整个大城市。
伦敦物业供应不足估计会维持到下一代，主因系城市规划限制发展商兴建新屋，形成去年伦敦新屋售价较2005年上升20 ％，平均达三十五万九千八百九十八英镑一间，相等于中产家庭十二年收入，令首次置业人数下降至二十年内最低。除非修改城市规划条例，不然单靠加息作用唔大。去年8月至今英国已加息三次，估计短期内第四次加息，却无法阻止英国楼价进一步上升。
喺澳洲昆士兰省，最大养牧场去年农地价只上升10％。仍售五百至五百五十澳元一英亩。如各位相信中国未来出现农产品短缺。澳洲农地系一项可考虑嘅投资项目。美国农地价去年上升15％。阿根廷农地升幅最大 ，作为全球最大玉米出口国嘅阿根廷。去年农地价升值27 ％；阿根廷农地持有公司Gesud SA股价升幅63％！上一次全球炒卖农地潮系1973年。距今已事隔三十多年。喺美国大力支持玉米作为生产乙醇原料政策下，全球农地将可受惠。去年玉米价上升82 ％，最近售价四点三二美元—蒲式耳。睇嚟农地投资潮正方兴未艾。
四年前如有人话你知油价可见八十美元（相等于1979年油价加上通胀率），有人会相信，但去年8月油价见七十八点五美元。今天话睇好澳洲及纽西兰农地，相信嘅人亦唔多（虽然农产品价格去年已上升唔少）。中国为改善农民生活，已迅速将农村城镇化，中国渐成农产品入口大国，拖动全球农产品涨价潮，情况有如2002年起拖动全球原材料及能源价格上升一样。
去年美国第一批战后婴儿（1946年出生）已六十岁。家吓五十五岁以上嘅美国人口达六千七百万，到2014年将达八千五百万。呢批人控制美国50％经常性收入、65％物业、75％药物开支，估计到2030年控制全美国80％私人投资。但广告商仍以十八到三十四岁人口为对象，电视以三十五到四十九岁人口为对象，而忽略咗呢一批年纪渐大但相当富有嘅消费者。因为一般人仍停留在「人又老、钱又冇」嘅过去式思维，而忽略现今社会呢批五十五岁或以上系相当富有嘅一群！新思维系「消费者唔会老（old），只会增添岁月（ageing） ！」一如陈年老酒随年份增加而价值上升！社会上已出现一批ageing消费者，例如可以花几千万元学跳舞嘅王小姐，就系典型嘅ageing消费者。百几万元名牌汽车嘅车主，大部分都系五十五岁或以上嘅消费者；几十万元一只手表嘅表主，亦系呢批ageing消费者。Dove品牌及唔少化妆品已发现呢个市场才系金矿，聘请四十岁或以上嘅明星去推广产品，强调唔系青春才拥有美丽，年华不因岁月而老去。刘嘉玲、巩俐等女明星推销呢类产品嘅能力早已超过青春明星，强调We are ageing； but not grow old！
伦敦2003年喺市中心引入电子道路收费计划（当时大约八十港元左右），2005年再上调50％，至一百二十港元，结果令伦敦市中心区汽车流量每天减少七万架次，相等于20％交通量，市中心空气亦因此改善；收费用作补贴公共交通工具……。上述方法喺伦敦已证明行之有效，其它大城市不妨参考。英国响提出之时，亦有一百五十万人反对贝理雅。当人们知道揸车入伦敦市中心要负担八十港元（依家系一百二十港元），好少人再揸车去市中心改乘公共交通工具，令市中心大塞车情况立即改善。依家无论香港、曼谷、上海或北京市中心塞车情况极严重，引入电子道路收费计划目标只针对私家车，收入用作补贴公共交通工具，应系可行办法（对嗰D唔揸车去繁忙地区嘅私家车车主亦冇影响）。我老曹先申报利益：我老曹亦拥有私家车，但除周日外，平日好少用也。
盈科保险（065）、交大铭泰（8148）、东方明珠（632）、中富控股（1191）、汇保集团（835）、中国水业（1129）停牌。
上华控股（371）3月6日；EVI教育（6090）、海港企业（051）7日；交通银行（3328）8日；地铁公司（066）13日；载通（062）22日公布业绩。
曹仁超
PDF原文：
原序号：179序号：
29
标题：
环球跌市非 Made in China
来源：
信报
发布日期：
2007…03…01
全文：
2月28日，周三。恒生指数跌496。36，收19651。51；成交八百零四亿九千四百多万元，代表有人抛售，亦有人趁低吸纳。3月期指跌541点，收19509点，睇嚟大市晌19000点争持机会好大。
沪深三百指数今天已回升3。54％，收2544点。过去十八个月沪深指数上升200％，2月27日回落9。25％，有乜大不了，只系大幅上升后一次较大幅度嘅波动而已。
IQT派糖中产低层受惠大
国寿（2628 ）跌3。2％、建设银行（939）跌2。9％、中移动（941）跌3。1％。油价跌2。5，见五十九点九二美元，亦令油股受压。日圆由117。93日圆兑1美元回落，代表日圆unwind行动并唔多。巴西雷阿尔、土耳其里拉及南非兰特亦略为回落。其他如印尼卢布、菲律宾披索亦有回软，代表有部分资金由新兴市场流出。
香港去年GDP上升6。8％，虽然唔及2005年嘅7。3％及2004年嘅8。6％，但表现仍算几好，失业率4。4％，系六年内最低；估计今年GDP仍可上升5。5％。去年恒生指数上升34％，今年则反覆无常；后市展望仲系时好时坏。
IQT派糖，中产阶级低层受惠最大，包括子女免税额及父母免税额提升。至于中产阶级嘅上层社会，只受惠于差饷退税（免收两季差饷），但标准税率仍系16％。1997/98年度最高收入嘅十万名打工仔，共付入息税其中55％，虽然人数只占三百二十万名打工仔中嘅3。125％；2006/07年度最高收入十万名打工仔共畀咗入息税其中60％，但今天人数只占三百五十万名打工仔中嘅2。85％。虽然喺咁，香港高收入打工仔嘅税率同全球大部分国家比较仍算低，因此有得怨，高收入者喺税务上负担多D，此乃税制另一功用（减少社会上贫富不均现象）、虽然帮助唔大，但代表政府重视贫富差距在扩大中呢个问题，同时唔会打击港人搵蚊年嘅积极性。低税率系香港嘅强项，其次系税制简单。
内地A股今天上升嘅龙头系钢铁股。擒日钢铁股跌幅唔细，今日反弹力度不俗。估计今年中国钢铁产品生产上升13％至四亿七千五百万吨；需求上升14％。宝钢4月1日起调高钢铁产品售价每吨二百至三百元。
花旗集团推介勤美达（319），目标价四元；北京首都机场（694 ）目标价十元三角。股市寻宝游戏仍然继续。
识货者不妨执便宜货
有人把呢次环球跌市定位为〃Made InChina〃。大陆系一个相对隔绝嘅市场，股市升降取决于当地因素，对国际投资人士而言参考价值唔大。我老曹认为，今次只系一次期待已久嘅技术调整，而非压坏骆驼背脊嘅禾杆草。喺衍生工具大量充斥市场嘅今天，小小因素已可引发一次10％嘅幅度调整，事后发现只系茶杯里的风波（例如去年5、6月）。引发呢次调整，既有中国因素，亦有格蛇言论、日圆偏强、电脑程式买卖、无知投资者受吓等等……，其中又以格蛇言论影响最大。老一辈经济学家皆相信每隔一段日子经济衰退系无可避免，虽然格老晌任内多次成功阻止衰退出现。下周八十一岁嘅格蛇认为，自己才有本领阻止1987年股灾演变成衰退，1991年波斯湾战争亦避过衰退，2001年〃九一一惨剧〃后亦有衰退。依家自己唔再主政，便担心房地产软着陆〃可能〃引发今年底衰退咁话！现任联储局主席贝南奇自去年8月后已停止加息，目的就系避免今年出现衰退！如去年贝南奇将利率由五厘二五推高至七厘五，即高于CPI增长率三厘以上，虽然可压抑通胀，但今年下半年步入衰退嘅机会大增。贝南奇有咁做，只加息至五厘二五后便停止，目的就系令经济进入黄金岁月（即唔太冷亦唔太热）令今年下半年出现衰退机会极微，但同时令下半年减息嘅机会亦大减。
呢次环球跌市如果话由内地A股引发，不如话由格蛇嘅出位言论引发更合适。不过，格老嘅言论一如成思危嘅言论，短期威力甚大，长期影响有乜。以美股今年估计纯利睇，未来P／E已渐到合理水平，无法支持熊市论。如我老曹话格蛇喺度危言耸听，似乎侮辱咗佢。风水佬呃你十年八年，到底今年底有冇衰退？九个月后便知道。我老曹倾向相信贝南奇嘅〃黄金岁月〃论，而非格蛇嘅〃衰退论〃。知者不测，测者不知，即使出名如格老，只要佢预测，便会出错（各位应该有忘记1996年格蛇嘅〃非理性亢奋〃论吧？换言之，格蛇早有前科也），呢次跌市可视为另一入货点，因为唔少投资者犯咗〃throw the baby out with the bathwater〃嘅错误，将家中古董作垃圾抛掉。识货者不妨执便宜货。今天A股唔再回落，理由系内地衍生工具好有限。至于恒生指数开市大跌，理由相信同衍生工具有关，发行商回购衍生工具后出售普通股，呢种对冲行为令恒生指数最低见19361点，已十分接近估计支持位19000点附近。香港跌市系咪完成？或须睇多几天。
调整幅度十分理性
好多人认为呢次跌市与内地A股指数跌9。24％有关，实情系咪咁？事实上，去年6月至今年1月绵绵不绝嘅升市，早已需要一次较大幅度调整（例如10％），内地A股回落9。24％，正好用作引发呢次大调整出现嘅藉口。呢次调整，嗰D被过分炒高嘅五行三保，调整幅度三分一；反之，未被过分炒高嘅股份调整幅度只有10％左右，证明十分理性。我老曹认为，喺黄金岁月中，个别发展仍然继续（即个别行业盛衰取代整个股市），唔会出现大牛市或大熊市，恒生指数调整幅度应喺19000至21000点之间。咪别人唔惊之时你先惊，别人好惊之时你就无谓惊。多D分析个别行业同股份，至于大市升降已唔重要。
内地房地产过去几年晌中央政府打压下反覆上升，未来内地A股情况亦一样。喺中央政府打压下，大泡沫无法形成，爱成大量小泡沫（foam）出现，小泡沫爆破时破坏力唔大，一如小孩子响母亲打打骂骂中成长，反而更健康。内地房地产过去几年喺中央不断打压下，出现大量小规模调整。今天内地楼价虽然偏高，但大幅下调风险唔大。依家内地A股平均P／E三十六倍，偏高约50％，只要打压一下，股市喺升升跌跌中又一年。今年企业纯利上升25％，P/E回落到二十七倍；再多一年升升跌跌，P/E可下降至二十倍，到时便唔再偏高了。西方人唔主张打骂小孩子，但我老曹喺成长过程中。母亲经常打打骂骂（所谓打，只系打手板三下）。我老曹自己做咗父亲后，亦主张体罚，女儿小时候小错便可以闹、大错要打（极限系打手板三下）；直到超过十六岁仍然可骂，但不再体罚，以免伤咗佢地嘅自尊心；过咗二十一岁改为劝告，因为佢地已成年，我老曹尊重佢地一切决定（每个人必须为自己所作决定负起全责）。
在打压下健康成长
过去几年，内地楼市喺中央打压下健康成长，未来内地A股命运相信亦一样。内地沪深指数一天之内回落9。24％，成交额达一千九百七十亿元人民币，相等于6％可流通股份转手。过去十年政府并有追资本增值税（税率20％），政府系有权追资本增值税嘅（香港税例系：如果你炒股票，所得利润税率15％）。至于追唔追？几时追？由政府话事。一如女儿小时明白父亲有权打佢手板仔、至于打唔打同几时打？由父亲话事。记忆中我老曹最后一次打小女手板仔系佢六岁嗰年。香港政府最后一次追炒股票税系1973年，已系陈年往事。今天特区政府亦绝对有权追炒股票税（Trading Tax），中央政府亦一样；至于加厘印费亦一样，至于做唔做又系另一回事。
2月27日内地A股跌市可视为〃走警报〃，有助大大提升投资者嘅危机意识，但唔代表真系有事发生。内地人存钱入银行只有二厘息（内地仍有利息税），形成资金只有两大出路：一、买楼。二、买股票或基金。响上述情况未出现改爱前，股市出现波幅难免。但泡沫会否爆破？股市从来不能talked up或talked down嘅（即使成思危言论，影响力亦只有三几日）。至于证券行推介。对个别股份短期有影响力，长期仍由该公司业绩决定（股市短期系投票机器，长期系评估机器）。内地A股已出现泡沫现象，呢点好清晰，至于几时爆破？会否爆破？木宰羊。从1997年亚洲金融风暴到2000年科网股泡沫爆破，事前都有人猜得到系几时爆破（事后孔明则一箩箩），请唔好扮先知。家吓嘅情况一如面对地震危机，只要事前做足预防措施，便唔使理会地震何时发生。至于预测地震几时发生？至今科学仍做唔到。股市亦一样。一旦出现泡沫现象应小心谨慎、至于何时爆破或唔爆破？则唔知道，相信亦冇人知。有智慧嘅投资者应专心去寻宝，而非分心于令人头晕目眩嘅