按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
信置（083）宣布以41。38亿元投得成都地王，平均每方米3；390元人民币（315元人民币一尺），占地366。54亩，系成都十幅拍卖地中最大嘅一幅；信置近年喺内地投资亦大幅增加。
十年前亚洲金融风暴后，香港进入贫者愈贫、富者愈富嘅“二八年华”期（即20％人口富起来，80％人口贫穷咗）。富起来嘅港人自2003年起成为豪宅买家，佢地嘅要求系：一有大玻璃窗可望海景；二、保安措施一流；三、提供酒店式管理服务，例如健身室、泳池、会所、儿童休憩间，绿化面积起码占整个项目25％以上；四、居住面积1000尺或以上，例如三房一厅及有工人房，令呢批新贵足不出户可享受高品质生活。入住者主要系40岁至50岁嘅专业人士，包括医生、律师、企业高层管理人员及金融业从业员，即嗰D年薪喺100万元或以上者。上述豪宅售价喺1000万元左右最受欢迎，买家主力系嗰D喺过去十年富起来嘅港人。至于真正豪宅即几千万元以上，买家主要系内地新贵，内地唔少成功生意人身家以亿元计，花几千万元来港买间香港豪宅晒吓命过吓瘾也。
宽松信贷系投机源头
响一个资本主义社会，资本财（capital assets）除咗由可产生利润多少去决定价值外，喺一个利用负债去finance嘅环境下，资本财嘅价值往往亦由可再出售价值去决定依家嘅价值（即买嚟卖）。响咁嘅情况下，必定引发投机，不但买家心存投机，甚至提供贷款嘅银行家亦为咗资金出路问题而被迫投机。简单D讲，宽松信贷系引发投机嘅源头，例如1989年5月至97年8月嘅香港及2001年1月至今嘅中国内地，都系因资本财由可产生利润多少去评估价值，转为可再出售价值去决定依家嘅价值，引发投机行为。上述错失1980年代日本初犯，1990年代由香港及东南亚国家重演，21世纪轮到中国。金融市场不但冇从日本、香港及东亚市场失误中汲取教训，反而利用呢D经验去评估中国市场及内地投资者嘅心理，人人希望从经济泡沫中获利。
喺上述环境下，带来令人惊喜利润嘅投资必须符合三“R”（Right place，Right time，Right item）。分析大师Greg Guenthner教我地应以小本博大利，就系每次动用投资本金10％去博取一倍到十倍利润；由于只动用全部本金10％，即使损失惨重。亦只会令整个投资组合唔见5％，如博到一倍系整个组合获利10％。如博到十倍系整个投资组合获利100％。把自己嘅投资组合分成十份，每份都系小本博大利，然后严格遵守止蚀唔止赚。边一份蚀本？卖咗佢。边一份赚钱？留低佢。如十份投资每份都带来100％回报，你嘅总投资回报可达100％，如其中部分带来十倍回报，便更令人惊喜。但如十份投资每份都损失50％，学Guenthner话斋；“你咁蠢，我冇嘢可以教你”。因为每次只动用全部资金10％，所以你够胆博，成为股市中嘅跳跃者（jumper），唔系股市内嘅老头子。Guenthner教落，有60％把握便You jump，I jump！Guenthner又教我地做重炮手（gunner），即每次开炮前必先瞄准目标才打出第一炮，如第一炮打唔中便调校后再发第二炮；如第二炮仲系打唔中，你必须找掩护（因敌方已知你位置，开始向你炮轰）。重炮手唔打小项目，只打最重要嘅目标，每次瞄准嘅唔系嗰D只带来10％利润嘅股份，而系可带来100％利润或更高嘅项目。千万不可做机枪手，只会乱枪扫射，根本系浪费子弹。
学识做拣股重炮手
现今投资策略系：①、分散投资（但不要分得太散），每次只动用本金10％。②、做重炮手。开炮前必须瞄准、扣紧，然后一炮将对手消灭，如第一炮唔准便开第二炮。如第二炮仍失准便应撤退，不宜久留。唔好做机枪手，漫无目标地乱枪扫射。③、喺股市中采取攻势做一个jumper，而非采取守势（揸住D大蓝筹等运到）。学习玩“double or nothing”（由于每次只动用本金10％，即系有十次机会，如十次结果都系nothing，你嘅拣股策略一定有问题），对象唔系大价股亦非细价股，而系中价股。利用jumper加gunner策略，可用10万元喺五年内赚1200万元！请问过去五年有几多只二线股升幅一倍以上？喺五年内只要买中七次（每次本利和，10万元已可变成1；280万元！）。毕非德点发达？各位研究佢所持嘅股份，佢买入时都系中价股唔系大蓝筹。佢嘅利润来自中价股变大价股嘅过程！不过，佢年纪已大，再唔系股市内嘅跳跃分子。今天一流重炮手应同时系机动部队，再唔系1960年代嘅大炮（推都推唔郁），而系随时转移阵地，然后瞄准、发炮。
今时今日，投资单单跑赢大市系唔够嘅，必须命中目标才可带来可观回报。后市展望，大市走势仲系反覆向上，但未来嘅路愈来愈凹凸不平。容易赚钱嘅日子2003年4月开始，去年5月结束，进入贝南奇时代（唔太冷亦唔太热）。美国GDP增长率平均喺3％左右，CPI升幅平均喺2％左右，唔同行业股份则此起彼落。有时你被熊追到冇气抖，有时你又可以食熊掌。
曹仁超
PDF原文：
原序号：342序号：
42
标题：
买楼投资宜选中价楼
来源：
信报
发布日期：
2007…07…24
全文：
7月23日，周一。恒指又再高收。信和（083）升2。6％，收17。92元，因里昂证券推介，目标价19。8元；新世界发展（017）升2。6％，见20。5元，系5月17日最大涨幅，旗下建筑公司同金门建筑联手投得金钟地王政府新总部工程；中国财险（2328）升14％，报8。03元，中国财险系中国最大非人寿保险公司；国寿（2628）只升1。1％，报31。4元；中海油田（2883）升9。6％，见10。64元，系5月14日以来最大升幅；中海集运（2866）升6。4％，见6。45元，因瑞信推介，目标价7元；彩星集团（635）升10％，见1。17元，因计划将玩具项目分拆上市。
第一桶金靠细价股
美林首席亚太股票策略员Mark Matthews继续睇好中国股市，但唔钟意印度同泰国股市。JF资产管理Howard Wang认为，中国加息后，利率仍唔及CPI增长率4。4％，因此影响甚细。内地双拳出击，但沪深指数今天却升4。65％，收4156。72。加息兼减利息税，反而成为睇好内地金融股理由。响秋官效应下，恒生指数维持下跌唔到一小时，11时后好友大反攻，收市指数23365。56，倒升73。66；成交846。48亿元；期指升70点，收23322点。今天花旗亦加入推介二线股行列，并指浩基集团（628）估计2006/07年度获利0。12元，上升12倍，未来P/E25倍；冠华国际（539）估计2007/08年度获利0。48元，升15％，未来P/E7倍。股市升至牛市第三期，通常系二线股升幅大于大蓝筹。或者你唔信普通投资者赚取第一桶金嘅方法就系投资细价股，只有细价股才可令细钱变大钱！例如1997年思捷环球（330）同利丰（494），当年仲系细价股。但唔好将所有垃圾股都视为有前途嘅细价股，上述观念系错嘅，一只股价低于1元嘅蚊型股唔可能自动变成〃good buy〃。令细价股长大嘅两大元素：一、公司有良好管理层，呢点好重要，冇良好管理层嘅细价股长唔大。二、就系趋势（trends）。如果思捷环球当年冇收购德国思捷，过去十年思捷能否随欧盟零售市场成长而壮大自己？近年欧罗一升再升，大大扩大思捷环球嘅边际利润。利丰亦一样，如果美国市场自1997年至今唔系大量从亚洲区入口廉价产品，利丰纯利成长又点有咁快？
投资细价股嘅策略通常系投资十只（而非一只），即趋势开始对佢有利嘅细价股，然后每年卖掉其中五只跑输大市嘅细价股，换入另外五只趋势开始对其有利嘅细价股。每年重复一次，最终你必能响砂堆中搵到宝石，未来佢嘅股价唔系上升一倍，而系十倍或以上！你能否喺思捷环球刚开始上升前、利丰刚开始上升前发现佢、买入佢、持有佢，让佢为你带来十倍或以上回报？投资二线股必须学习割掉亏损，让利润往前跑。边D二线股系明日之星？我地不妨一齐去揾。欲成为一个成功投资者，除咗要有清醒头脑巧妙地利用常理及唔会感情用事外，更应学习去了解群众心理，因为短期股价升降往往受群众心理支配，上述并非金融专家所能理解，市场往往朝佢地告诉群众嘅相反方向走，专家愈认为股市危险，群众反而进一步涌入股市，情况有如小孩子唔听话，理由往往系大人过分严厉，你愈叫佢唔好走，佢偏偏跑畀你睇。当专家认为二线股缺乏透明度散户宜少沾手，散户偏偏炒畀你睇，尤其内地大量中产阶级涌现，佢地根本上睇唔起香港所谓〃专家〃嘅分析，并认为炒卖二线股先至够刺激。
油价升未必推高油股
高盛估计，2009年油价可见100美元一桶，如9月OPEC唔增产，今年年底油价见95美元亦唔奇。今年油价已上升51％，较2003年年初更上升2倍。去年高盛亦曾预测油价见100美元，去年8月油价见80美元后便回落，呢次结果又点？油价喺伊朗危机下，响1981年曾见35。24美元（以美元购买力计，相当于今天79。67美元）。去年8月油价见80美元后，今年1月一度跌至50美元才再上升，呢次能否升破80美元见100美元？石油股早已升穿去年8月高位，即使今年油价升穿80美元，亦未必能进一步推高石油股股价。
1980年开始中国担当起低价产品出口基地嘅地位。随着人民币升值，内地最低工资上升及原材料价格上升嘅因素，令中国产品出口价面对好大上调压力，会否令美国CPI因入口成本增加而加快上升，最终令美国利率不跌反升？唔排除呢个可能性，但我老曹认为机会唔大。
华尔街分析员唔相信次级按揭债券问题会扩散（依家呢类债券孳息率已较优质债券高3。2厘，6月份只高2。41厘）。次级CDO债券市场崩溃，对三A级债券市场影响唔大，因为Flight for quality反令资金流向优质债券。上周50年期美国政府债券孳息率见4。95厘（最低见4。93厘）、而非6月份嘅5。32厘。标普再降低十四间欧洲CDO嘅评级，进一步刺激资金流向优质债券。估计6月份美国二手楼成交跌至只有年率587万间（5月599万间），系2003年4月以来最差；新屋销售跌至89。5万间（5月91。5万间），证明美国楼市仍在回落中。估计唔少CDO最终只能六折找数（市价只及账面值60％）。家吓损失集中喺投资次级债券嘅CBO（Collateralized Bond Obligations），基本上呢方面又睇CBO嘅组合点样而定。CBO基金终于明白利大本无归嘅道理！当别人只能收到5厘息时，自己可收7厘以上，系有代价嘅！根据大摩资料：约540亿元债券及1890亿元贷款响未来4至5个月到期。上述债券及贷款中，有几多会出事？我地只有等进一步消息。毕非德讲过－只有退潮之后，才知边个有穿泳裤！过去购入BBB级或BB级债券（所谓次级CDO债券）者依家面临考验。美国圣路易联储银行总裁普尔认为，购买次级债券而损手嘅投资者系〃抵死〃，只要唔影响整个借贷市场，联储局系唔会插手。ABX指数（上周本栏已刊出）由今年1月至今回落超过50％，可见次级债券投资者损失几咁巨大。国会有议员批评联储局自2004至06年嘅放任政策，令2。8万亿美元房贷唔受《银行条例》监管，依家唔可以一句〃投资者抵死〃便推卸责任。去年已有60间贷款公司关门，相信今年数字更多。
1981年1月1英镑兑2。38美元，然后花十年时间跌至1991年接近1。07美元，会否再用十六年时间重返2。38美元，形成典型钟摆？根据英国皇家特许测量师学会资料，有80万英国家庭响海外拥有物业（相信本港家庭喺海外拥有物业人数亦唔少，过去六年美元弱势，对拥有海外物业香港家庭而言系既赚楼价亦赚汇水。英国家庭却冇咁好彩，海外物业投资虽然赚咗楼价，但蚀咗汇水）。假设英镑利率年底升上6。25厘，唔排除英镑汇价重见2。38美元。
瑞银料港楼价可升40％
瑞银今天发表本港地产主要报告，认为本港中价楼喺明年底前将上升40％；反之，调低鹰君（041）评级，因写字楼租金今年见顶并将于明年下调。瑞银估计，今年及明年本港住宅楼、写字楼及零售铺位分别可上升40％、25％及20％。香港人自去年起开始获加薪，令供楼负担家吓只占打工仔家庭总收入（两人工作计）40％。今年上半年本港住宅楼价上升4。3％，豪宅升12％；随着中等家庭收入上升及响股票市场搵到银，日后将有更多打工仔家庭加入〃楼换楼〃行列。瑞银估计，今年下半年至明年底呢十八个月内，本港住宅楼价可上升40％、租金上升20％。本港住宅楼价由2003年中开始上升到2006年年初进入整固期，经过十多个月整固后，完成消化2003至06年年初嘅升幅，根据量度升幅，未来本港住宅楼价可上升40％。瑞银认为，月入1万元或以下者主要入住公屋为主，月入1万元以上才可成为私人住宅楼买家（即所谓上车盘）。1996至06年本港打工仔面对一个好怪嘅现象，就系月入1万至1。5万元者，过去十年获加薪共4％；1。5万至2万元者获加薪共20％；2万至2。5万元者获加薪共34％；2。5万至4万元者获加薪共55％；4万元以上获加薪共48％。即过去十年加薪幅度最大系月入2。5万至4万元者，其次才系4万元以上者。再睇睇人数变化，月入1万至1。5万元者人数由1996年66。9万增加至2006年69。4万，佢地不但加薪幅度细，而且总人数只增加3。74％，此乃近年上车盘炒来炒去炒唔起嘅理由。月入1。5万至2万元者人数由29。6万增至35。4万，上升19。6％；月入2万至2。5万元者人数由16。7万增至22。3万，上升33。5％；月入2。5万至4万元者人数由17。1万增至26。6万，升54。97％；月入4万元以上人数由14。3万增至21。1万，升47。5％。高收入人口呢几年早已支持豪宅，令售价一升再升；低收入者因加薪幅度细，加上人数增加唔多，令上车盘楼价上升空间有限，最典型例子系天水围住宅。未来最有上升潜力嘅住宅楼应系针对嗰D月入2。5万至4万元（即家庭总收入响5万至8万元一个月者），呢个市场过去十年增加9。4万人（或4。7万个家庭），过去种种原因令佢地唔敢楼换楼，包括对经济前景仍未够信心，令累积下来嘅需求随着本港经济保持四年以上稳健增长迟早爆发。月供2万至3。2万元嘅单位（大部分喺1000尺左右）未来十八个月楼价估计可上升40％！全港有5万亿港元存款（平均每人有70万元存款），估计月入2。5万至4万元者所组成嘅家庭，手上港元存款超过140万元；加上所住单位（以500尺计）约值200多万元，佢地如果卖掉手上500尺嘅住宅，加上手上存款，完全有能力买1000尺住宅。瑞银估计，上述行动今年下半年开始，至明年底可以将1000尺左右嘅住宅单位平均售价推高40％！
反之，中区写字楼租金估计今年见顶，唔少企业已捱唔住中区贵租而外移！瑞银估计，明年中区写字楼租金有机会回落5％。零售铺租金因消费仍然上升，估计未来十八个月仍可上升20％。
豪宅太贵上车盘乏吸引力
我老曹几同意瑞银嘅分析，至于未来十八个月中价楼能否上升40％，则须进一步分析。今年下半年起豪宅已太贵，上车盘亦冇吸引力，如想买楼做投资，宜集中喺1000尺左右嘅中价楼，应该冇错，未来十八个月肯定有一定上升空间，至于会否上升40％则木宰羊。
财富系过去嘅遗产、将来嘅希望，一个冇财富嘅人代表佢冇过去（除咗回忆），佢依家必须加倍努力为自己及家庭提供食物同居所，因此而失去部分选择嘅自由（例如唔钟意份工亦要做，因为手停口停，想休息一两个月亦唔得，因为屋企等住佢开饭），甚至唔可以大病（不然边个同佢养家？），对将来冇希望，因为佢根本冇钱做任何投资。年轻时或可潇洒地高唱〃我一无所有，你跟不跟我走？〃人到中年如果仲系一无所有，你理财方面可能已出问题；到老年仍系一无所有，往后嘅日子点过？因此理财应由年轻力壮开始。
曹仁超
PDF原文：
原序号：343序号：
43
标题：
都系水惹的祸
来源：
信报
发布日期：
2007…07…26
全文：
7月25日，周三。恒生指数跌110。70，收23362。18；成交1004。9亿元。7月期指跌107点，收23350点。利星行（238）升31％，见6。95元，两大股东提出私有化，出价6。2至6。6元。其士国际（025）宣布收购长春新星96％股权，代价1。92亿元，长春新星喺长春占地766亩，计划发展成76。6万平方米嘅住宅公寓社区。太平洋航运（2343）升6。5％，见12。5元，公司宣布购买南京一个货运码头45％权益，成为响中国投资嘅首